不應忘掉生命中遇過的好人

星期一那天上學遲了出門口，接駁巴士又遲遲未出現。
看看銀包，只得27元，根據經驗由西鐵站到學校大概要30元的士費才行。
再等等......還是未有車。

但時間又一秒一秒的過，只好硬著頭皮上了的士才算。
在的士上那個司機叔叔跟我都又兩句，問一些關於小一入學的事。
而途中....我都只顧著看咪標，擔心著會超過27元。

快要轉入學校的路口，咪標顯示$26.xx，心想快轉入去......
但那個燈位是超耐的。結果，到校時已經是$28.8。
我也只好跟司機叔叔說「唔好意思，我得27.4咋。」
司機叔叔竟仍笑笑口的說「唔緊要，你俾25蚊我得喇.......」
「唔得...我俾哂27.4.....」「唔緊要呀....你俾廿蚊都得喇.....你淨間冇哂錢唔得架喎，放工o個陣」

這個司機叔叔實在太令人感動喇！最後我都是將我全副身家給了他。始終也是做生意嘛！
雖然，都只不過是差幾蚊，但他竟會擔心到我放工身無分文的問題，就知道他真的是一個好人了。所以，我不想忘記我遇過他。